Khit Thit သတင်းဌာန၏ ဧပြီ ၅ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဧပြီ ၅ ရက် ညနေပိုင်းတင်ဆက်ပေးမယ့်သတင်းတွေကတော့ -ကရင်ပြည်နယ်၊ မြ၀တီမြို့နယ်က အကြမ်းဖက် စစ်ကောင်စီတပ် လက်အောက်ခံ BGF ထိန်းချုပ် ထားတဲ့ ရွှေက္ကိုလ်ဒေသမှာ ဒီကနေ့ ဧပြီလ ၅ ရက်နေ့ မနက်ပိုင်းကစပြီး တိုက်ပွဲတွေစတင် ဖြစ်ပွားနေပြီး ၊ အကြမ်းဖက်စစ်ကောင်စီက လေကြောင်းနဲ့ စစ်ကူပေး တိုက်ခိုက်နေတယ်လို့လည်း သိရပါတယ်။ - ရန်ကုန်-မော်လမြိုင် လမ်းပိုင်းမှာ အကြမ်းဖက် စစ်ကောင်စီတပ်က တပ်ကြပ်ကြီး ကျော်ဆန်းဆိုသူကိုပြည်သူ့ကာကွယ်ရေးတပ်ဖွဲ့တွေက ပစ်ခတ်တိုက်ခိုက်ရာမှာ ပွဲချင်းပြီး သေသွားတယ်လို့ ကျိုက်ထိုတော် လှန်ရေး အင်အားစု (KRF) အဖွဲ့ရဲ့ တာဝန်ရှိသူ တစ်ဦးက ရန်ကုန်ခေတ်သစ်ကိုပြောပါတယ်။ -စစ်ကိုင်းတိုင်း၊ ကန့်ဘလူမြို့နယ်က အင်းလယ်ကြီး-ရွာသား ဆွံ့အ၊ နားမကြားတဲ့ စိတ်ဝေဒနာရှင် ၂ ဦးကို အကြမ်းဖက် စစ်ကောင်စီတပ်က ဖမ်းဆီး သတ်ဖြတ်ခဲ့တဲ့ သတင်းအပါအဝင် နောက်ဆုံးရသတင်း တွေကိုတင်ဆက်ပေးပါမယ်။
